Languages |Jobs & Tenders |

Umunyarwanda wese watakaje cyangwa wibwe indangamuntu ye asabwa gusaba isimbura iya mbere mu gihe kitarenze iminsi 60.

  • Ni uruhe rwego rushinzwe gutanga  Indangamuntu isimbura iyatakaye cyangwa iyibwe?

  Indangamuntu isimbura iyibwe cyangwa iyatakaye isabirwa mu rwego rushinzwe gukora indangamuntu muri NIDA.

  • Nihe ushobora gusabira serivise mu gihe wataye cyangwa wibwe indangamuntu?

 Mu bisanzwe uwataye cyangwa wibwe indangamuntu asabira iyisimbura ku Murenge atuyemo.

 Mu gihe usaba indangamuntu afite ikibazo kihutirwa abigaragaje, ashobora gusabara indi ndangamuntu  ku  Murenge wa Niboyi, cyangwa Umurenge wa Remera cyangwa Umurenge Gitega.

 Usaba indangamuntu isimbura iyibwe cyangwa iyatakaye ashobora no guca ku rubuga Irembo Online  Service.

  • Ni izihe nyandiko usabwa?

Icyangombwa gitangwa na Polisi y’Igihugu y`u Rwanda kigaragaza ko yataye cyangwa yibwe indangamuntu;

Inyemezabwishyu y`amafaranga 1500 Fr yishyuriwe kuri Banki y`abaturage Konti numero 400.362763510172 cyangwa yishyuwe  ku rubuga rw`Irembo Online Service;

  • Ni ryari wahabwa iyo service?

Ku cyicaro cya NIDA ni Iminsi yose y`akazi kuva kuwa mbere kugeza kuwa gatanu, saa moya (07: am) kugeza saa kumi n`imwe (05:00pm).

Ku Mirenge (Niboyi, Remera cg Gitega) ni uguhera kuwa mbere kugeza kuwa gatanu, saa moya (07: am) kugeza saa sita (12:00pm).

  • Nyuma yo gutanga ibisabwa, umuntu ahabwa indangamuntu yasabye mu gihe kingana gute?

Ku munyarwanda uba hanze (diaspora) ayibona mu minsi 2

Umunyarwanda uba mu gihugu ayibona mu mezi 2.

  • Indangamuntu irenze imwe yishyurwa angahe, gute?

Usaba indangamuntu ku ncuro irenze imwe, yishyura 1500Frw ku rubuga rw`Irembo cyangwa akishyura kuri konti numero 400.362763510172 ya Banki y`abaturage.

Umunyarwanda uba hanza wataye cyangwa yibwe indangamuntu azana icyemezo cya polise y`u Rwanda cyangwa cyaho yayitereye, yitwaje inyemezabwishyu ya 1500Frw yishyuriwe ku rubuga rw`Irembo Online cyangwa kuri Banki y`abaturage konti numero 400.362763510172

 

 

 

P.O.Box:3397 Kigali-Rwanda E-mail:Info@nid.gov.rw @copyright-NIDA Rwanda